Kataku tshitan anite etaian

Muku a tshui tutun tshetshi takushinian

Nipa tshi tepuen tshetshi petakauian

Tshetshi petamin e shuenimitan

Takuan e mamitunenimitani

E mueshtataman muku apu shetshishian

Nasht apu tshissenitakushin

Apu tshi uapataman nete tshishtikuanit

Tshekuan ma eka takushin?

Tshe akussinituiaku, tshe aimituiaku

Tshitshitapamitin, tshitshitapamin

Tshekuan e tutamaku? Apu nishtutaman

Nekatshipanu tshishiku eka tain anite etaian

Nanitam ninatuapaten tshekuan tshe tutaman

Apu nita tshika ut nete mitataman

Tshuashtenen nitinniun, tshima tshissenitamin

Nitshisseniten etamatshuin, e shetshishin

Muku peikushu muku tshiam inniun

Nasht apu tshissenitakushin

Apu tshi uapataman nete tshishtikuanit

Tshekuan ma eka natuapamin?

Tshe akussinituiaku, tshe aimituiaku

Ushkat e natshishkatuiaku

Muku tshiam e uitsheuakanitatuiaku

Tipatshimuiaku, mamu taiaku

Takuanipan eshi-tshitapamitan

Essishuemakat anite tshekuan

Muku e shetshishian, apu tshut uitaman

Nasht apu tshissenitakushin

Apu tshi uapataman nete tshishtikuanit

Tshekuan ma eka natuapamin?

Tshe akussinituiaku, tshe aimituiaku

Nasht apu tshissenitakushin

Apu tshi uapataman pitute tshiteit

Tshekuan ma eka natuapamin?

Tshe akussinituiaku, tshe aimituiaku

Aimituiaku, shuenimituiaku

Mamu minuat tshe tipatshimuiaku

Aimituiaku, akussinituiaku

Mamu minuat tshe taiaku

Nasht apu tshissenitakushin

Apu tshi uapataman nete tshishtikuanit

Tshekuan ma eka natuapamin?

Tshe akussinituiaku, tshe aimituiaku

Nasht apu tshissenitakushin

Apu tshi uapataman nete tshishtikuanit

Tshekuan ma eka natuapamin?

Tshe akussinituiaku, tshe aimituiaku

Uauitamaku innua

Uishamiku minuat innua

Tshekuannu tshe tutak

Tshetshi ne uapatak

Uauitamaku uitsheuakana

Uishamiku uitsheuakana

Nikan tshetshi aitapit

tshetshi eka utat nete

mamitunenitak

Uauitamaku innua

Tan tshe tutak tshetshi ne

uapatak

Kie uauitamaku uitsheuakana

Tan tshe tutak tshetshi ne

pishkapatak

Nenu umeshkanam

Nanikutini ui tshiamapu

Tshitapatamu nenu utinniun

Tsheshu nenu etaniti

Tshishe-Manitua e uauitshikut

Mamitunenimeu utauassima

Mamitunenimeu uikanisha

E shutshiteieshkakut

E minikut nenu shutshishiunnu

Uauitamaku innua

Tshe tutak tshetshi ne uapatak

Kie uauitamaku uitsheuakana

Tan tshe tutak tshetshi ne

pishkapatak

Nenu umeshkanam

Tshika ui amatshuen utshu

Tshe tshitapatamin anite kataku

Eukuan tshe ui mamitunenitamin

Tshetshi nete minuinniuin

Tshuauitamakuat tshikanishat

Tshuishamikuat

tshuitsheuakanat

Nikan tshetshi aitapin

Tshetshi eka utat nete

mamitunenitamin

Tshika takuan tshetshi

tshissenitamin

E shuenimikuin

Tshitshissenimauat

tshuitsheuakanat an ne

Tshika takuan tshetshi

tshissenitamin

Akuatenimikuin ne tshikanishat

Uauitamaku innua

Tan tshe tutak tshetshi ne

uapatak

Kie uauitamaku uitsheuakana

Tan tshe tutak tshetshi ne

pishkapatak

Uauitamaku innua

Tan tshe tutak tshetshi ne

uapatak

Kie uauitamaku uikanisha

Tan tshe tutak tshetshi ne

pishkapatak

Nenu umeshkanam

Nimateniten tshekuan nitinniunit

Miam e pikunikuian e itenitaman

Nimateniten tshekuan anite niteit

Miam e tshipataukuian e itenitaman

Nui ushimun nete kataku

Tshetshi eka ishpish nekatenitaman nitinniunit

Nutepanu tshekuan niteit

Nimueshtaten ashtam tshiam tshiue

Tanite nene ishpanit ka ishpish minuatituaku

Nimueshtaten ashtam tshiam tshiue

Mamitunenitamani tshekuan tshe tutaman

Nitanimun tshe nakatitan

Tsheshu etatau nuitsheuakanat

E tutakuian tshetshi pashikuian

Nitshipautishin eshpish akushian

Petshikat nika ui aitin tshetshi pishkapataman

Nutepanu tshekuan anite niteit

Nimueshtaten ashtam tshiam tshiue

Tanite nene ishpanit ka ishpish

minuatituaku

Nimueshtaten ashtam tshiam tshiue

Ashtam tshiam tshiue

Tanite ume nin tshe ituteian

Eka taini anite e taian

E peikussian

Auen tshe nipekut uetakussiniti?

Auen tshe akussinak kie tepishkaniti?

Tshetshi minuinniuian

Nutepanu tshekuan anite niteit

Nimueshtaten ashtam tshiam tshiue

Tanite nene ishpanit ka ishpish minuatituaku

Nimueshtaten ashtam tshiam tshiue

Ashtam tshiam tshiue

Nutepanu tshekuan anite niteit

Nimueshtaten ashtam tshiam tshiue

Tanite nene ishpanit ka ishpish minuatituaku

Nimueshtaten ashtam tshiam tshiue

Nutepanu tshekuan anite niteit

Nutepanu tshekuan anite niteit

Nimueshtaten ashtam tshiam tshiue

Nimueshtaten ashtam tshiam tshiue

Tanite nene ishpanit ka ishpish minuatituaku

Minuatituiaku

Nimueshtaten ashtam tshiam tshiue

Nimueshtaten ashtam tshiam tshiue

Nimueshtaten ashtam tshiam tshiue

Nimueshtaten shash tshipa tshiuen

Ashtam tshiam tshiue

Tshessitaman tshishiku ka inniuin

Tshin nitauassim

Minuinniuian e tshitapamitan

Ushkat e shenamin tshissishikua

Apu tshika ut nita uni-tshissitutamat

Ka natshishkataht

Ka takunishk ne tshikaui

Ushkat ka minishk shatshitun

Niminuenitenan, nin mak tshikaui

Tshe tain e taiat tshin nitauassim

Niminuenitenan, nin mak tshikaui

Tshe natuapamitat, tshe aitutatat

E uapamitan nete tshetshishepaushit

Tshin nitanish

Anumat tshishipanu inniun e itenitaman

Tatuau ne e tshitapamitan

Eka tshekuan itenita, nanitam nika tanan

Utat e tain

Eka tshekuan itenita, nanitam nika tanan

Tshe nashamin tshipuamuna

Niminuenitenan, nin mak tshikaui

E tain e taiat, tshin nitauassim

Niminuenitenan, nin mak tshikaui

Tshe natuapamitat, tshe aitutatat

Eshpish inniuian, apu nita ut itenitaman

Tshe uapamitan, tshin nitanish

Tapue tshe natshishkatan,

nitauassimish

Nipakuaten tshe nikamutatan

Tshe nipekatan utakussiti

Tshe uitamatan e shatshitan

Niminuenitenan, nin mak tshikaui

Anite e taiat tshin nitauassim

Niminuenitenan, nin mak tshikaui

Tshe natuapamitat, tshe aitutatat

Niminuenitenan, nin mak tshikaui

Anite e taiat, tshin nitauassim

Niminuenitenan, nin mak tshikaui

Tshe natuapamitat, tshe aitutatat

Eukuannu tshitshue innu

Ka pakassikut anite nutshimit étati

Ne teueikana

Anumat mishta-ishpitenitakushu teueikan

Tshima nanitam ishpitenimaht auassat teueikana

Tshekuannu e tutakaui

Kie eukuannua uitamakupan anite etaniti aueshisha

Kassinu auat uitamakupan

Kie uitshinnuat tanite etaniti,

Iapit uitamakupan

Eku naminanuti, mishta-

minuatamupan.

Eukuannu nana muku innu tshekuannu

Ka mishta-ashineikut

Shashish ute ne tshishennu

ne tipatshimuipan

Ueshkat mamu anite ka tatau

nete nutshimit

Minuatamukupanat mamu nete e tatau

ashit uikanisha

Eukuanat nanat

tshimushuminuat

nenu utipatshimunuau

Nitipatshimushtak, nuauitamak

shashish ka pamishkaht

Ashit uikanisha,

utauia mak nenua ukauia

Tshe ituteht utassiuau

tshe natshi-manukashuht

Eukuan nana ne innu

nenu utinniun

Teueikana utinepan

tshetshi uapamat nenua atikua

Tanite nenu pemuteniti

Ishpitenimepan aueshisha,

Akua tutamupan nenu utassi

Eukuan ishinniuipan

Kataku nete pimutepan

Kie kataku pamishkapan

Shipinu e nashak

Nipa minuaten kie nin peikuau

Ne tshi uapataman

Anite ka tatatau

pakatakan-meshkanau

ka pimutetau

Tshimatenitenatshe anumat

e mishat nete shutshishiun

nipa minuaten nutshimit taiani

mishau anite tipatshimun

Teueikana utinepan

tshetshi uapamat nenua atikua

Tanite nenu pemuteniti

Ishpitenimepan aueshisha,

Akua tutamupan utassi

Eukuan anite inniuipan

Kataku nete pimutepan

Kie kataku pamishkapan

Shipinu e nashak

Teueikana utamuepan

Anumat tshitshue

minutakushipan

Kassinu innuat nimipanat

Ishpitenimepan aueshisha,

Akua tutamupan utassi

Eukuan anite inniuipan

Kataku nete pimutepan

Kie kataku pamishkapan

Shipinu e nashak

Shipinu e nashak

Shipinu e nashak

Shipinu e nashak

Ne napess ka nikamutatamua nenu

Eukuannu nana tshitshue innu utishpitenitamun

Eukuannu nana ka pakassikut

Teueikana

Shipekunua nenua ussishikua

Uashtepannua e uniniti pishimua

Nishakuenimun tatuau e

tshitapamikuiani

Tshituten tshishiku tshetshi

minuataman

Kie tshituten tshishiku tshe

minuinniuian

E tshitapamitani

Nipa minueniten

Tshetshi uitaman ne etenitakushian

Tshetshi uitaman

Kie nin ne e nikamuian

Minuashinua nenua ussishikua

Uashtenpannua kie e uniniti ne

tipishkau-pishimua

Tatuau e tshitapamitani

Nuapaten ne peiku tshekuan

E ashuapatamin tshetshi minupanin

Tshiminupan

Anite tshiteit

Nipa minueniten

Tshetshi uitaman ne etenitakushian

Tshetshi uitaman

Kie nin ne e nikamuian

Tshuashtenamak ne pishimu

Menunakushin eshikapauin

Kataku tshitan e petatan

E nikamutuin

Menutan, tshishkueienitakuan

Iapit tshinimin, tshiminunakushin

Eukuan uet nikamutataman

Tshetshi minuinniuian

Shipekunua nenua ussishikua

Uashtepannua e uniniti pishimua

Nishakuenimun, nishakuenimun, nishakuenimun

Nipa minueniten

Tshetshi uitaman ne etenitakushian

Tshetshi uitaman

Kie nin ne e nikamuian

Nipa minueniten

Tshetshi uitaman ne etenitakushian

Tshetshi uitaman

Kie nin e nikamuian

Tshessitutatani ueshkat nukum

Anite shitshuat ka natshi-uapamitan

Menuenitamin tatuau e uapamiat

Nutshimit mamu ka kushpiaku

Mamu nete ka taiaku

Apu nita tshika ut nin uni-tshissitutaman

Kataku anite anutshish anite tshitan

Kataku anite anutshish anite tshitan

Nin etenitaman

Ekue tipatshimushtakuiat

Tshetshi minuinniuiat

Kataku anite tshitan

Nin etenitaman

Kataku anite tshitan

Ne e mamitunenitamani

Tshe uashtenimuiat

Tshe uashtenimuiat

Tshika aimituatinan

Neka

Nitakushin ne e mamitunenitamani

E mamitunenitamani tshe tshituein

Uashkut tshe natuapamishk Tshishe-Manitu

Nimueshtaten e tshissitutatani

Nimueshtaten eka tshe uapamitan

Ut uashkut, tshe uashtenamuiat

Tshetshi shutshishiat

Kataku anite anushitsh anite tshitan

Kataku anite anutshish anite tshitan

Nin etenitaman

Ekue tipatshimushtakuiat?

Tshetshi minuinniuiat

Kataku anite tshitan

Nin etenitaman

Kataku anite tshitan

Ne e mamitunenitamani

Tshe uashtenimuiat

Tshe uashtenimuiat

Tshika aimituatinan

Neka

Tshe uashtenamuiat

Tshe uashtenamuiat

Tshika aimutuatinan

Neka

Tshe uashtenamuiat

Tshe uashtenamuiat

Tshika aimituatinan

Neka

Tshe uashtenamuiat

Tshe uashtenamuiat

Tshika aimutuatinan

Neka

Tshe uashtenamuiat

Tshe uashtenamuiat

Tshika aimutuatinan

Neka

Kataku anite anutshish anite tshitan

Kataku anite anutshish anite tshitan

Nin etenitaman

Auen tshe tipatshimushtakuiat?

Tshetshi minuinniuiat

Muku niminuenimun

Eukuan tshe uapamitau

Tshinapem kie ne tshitauassimat

Ute assit ne ka mueshtatitau

Tshima minu-tshitutein Neka

Kataku anite tshitan

Tshe uashtenamuiat

Tshe uashtenamuiat

Tshika aimutuatinan

Neka

Kataku anite tshitan

Nimueshtatenan

Tshe uashtenamuiat

Tshe uashtenamuiat

Tshika aimutuatinan

Neka

Kataku anite tshitan

Kataku anite tshitan

Nimueshtatenan

Tshe uashtenamuiat

Tshe uashtenamuiat

Tshika aimutuatinan

Neka

Tshe uashtenamuiat

Tshe uashtenamuiat

Tshe nakatuenimiat

Neka

Tatuau e pamishkaiati

Innu-aimun e pamutataiati

Anumat tshitshue nitashinenan

Ninan e innu-nikamuiati

Ninatshi-uapatenan ne tshitassiuau

Tepishkaniti tshe nikamuiat

Anumat tshitshue nipakuatenan

Mamu tshe nimiaku

Mamu tshe innu-nikamuiaku

Eukuannu uet ninan minuatamat

Natshi-uapatamat ne tshitassiuat

Eukuannu uet ninan minuatamat

Mamu ne e mamuituieku

Mamu e taieku

Tatuau e pamishkaiati

Ninan ne tepatshimuiati

Natamiku tshekuan nuauitenan

Nuitsheuakananat mamu e taiat

Ninatshi-uapatenan ne tshitassiuau

Tepishkaniti tshe nikamuiat

Anumat tshitshue niminuatenan

Mamu e innu-nimiaku

Mamu tshe innu-nikamuiaku

Eukuan uet ninan minuatamat

Natshi-uapatamat ne tshitassiuat

Eukuan uet ninan minuatamat

Mamu ne e mamuituieku

Mamu e taieku

Mamu e taieku

Mamu e taieku

Mamu e nikamuieku

Nipa minuaten uishamitikut

Mamu kassinu tshetshi nikamuiaku

Mamu kassinu tshe minuatamaku

Niminuatenan e natshishkatiaku

Mamu tepatshimuiaku

Mamu e taiaku

Mamu tshe nimiaku

Eukuan tshe minuatamaku

Eukuan uet ninan minuatamat

Natshi-uapatamat ne tshitassiuat

Eukuan uet ninan minuatamat

Mamu ne tshe nikamuieku

Eukuan uet ninan minuatamat

Natshi-uapatamat ne tshitassiuat

Eukuan uet ninan minuatamat

Mamu ne e mamuituieku

Mamu e taieku

Mamu e taieku

Mamu e taieku

Mamu e taieku

Tshietshishepaushiti e unian

Peshkapatamani e peikussian

Nimueshtatapin

Nitashuapaten tshetshi aimin

Tshekuan au ma itenitakushian

E pikunaman tshekuan mamu

Ka tutamaku

Nin muku tshiam e

tshissitutatishuian

Eshe nipa minueniten

Tshetshi uitamuin

Tshetshi uitamuin ne tshin iakuatenimin

Eshe nipa minueniten

Tshetshi uapatinin

Tshetshi uitamuin

Akua-tipishkau e unian

E nishtutatishuian tshe tshiueian

Tshe natuapamitan

Kassinu tshekuan metataman

Anutshish mamu tshitananu

Anu aiat tshishutshishinanu

Tshishatshitunanu

Nishutsheniten tshetshi minupaniaku

Eshe nipa minueniten

Tshetshi uitamuin

Tshetshi uitamuin ne tshin iakuatenimin

Eshe nipa minueniten

Tshetshi uapatinin

Tshetshi uitamuin

Eshe nipa minueniten

Tshetshi uitamuin

Tshetshi uitamuin ne tshin iakuatenimin

Eshe nipa minueniten

Tshetshi uapatinin

Tshetshi uitamuin

Uitamuin nanitam

Eshe nipa minueniten

Tshetshi uitamuin

Tshetshi uitamuin ne tshin iakuatenimin

Eshe nipa minuinniun

Tshetshi uitamatan

Menuatatan

Tshetshi uitamuin

Tshetshi uitamuin

Nuapamau apu minuinniut

Patapishkuenu

Shash apu tshissenitak

Tanite tshipa itishimu

Utinamu tshekuannu

Nanitam ui minu

Apu uauitak

Tshekuannu e akuikut

Eukuan tshe ui tshitutet

Nateu nenua uitsheuakana

Peikupishimua

Apu tshika ut uapamat

Uitamueu uikanisha :

Nitishpishin tshetshi tshituteian

Nika tuten tshetshi minuinniuian

Uikanisha ui uauitshiku

Uauitshitishu itiku

Takuannu tshekuannu eka

ui tshitutet

Apu ui nakatat utauassima

E mamitunenitamani ne tshekuan

Animannitshe anite etat

Shash ekue tshiuet

Akussiniku uikanisha

Shuenimiku,

shutshiteieshkaku

Natuapameu utauassima

Akuatenimiku

Minuenitaminua,

Shash minuinniunnua

Uikanisha ui uauitshiku

Uauitshitishu itiku

Takuannu tshekuannu eka

ui tshitutet

Apu ui nakatat utauassima

Utanimun kushikuannu

Animu tshetshi pashikut

Tekushinit anite uitshuat

Tshitapamiku uitimusha

Akussiniku

Kashinamaku

Anutshish kashikat

Ititishu :

Kuishku nika pimuten,

E minuashit meshkanau

Uikanisha ui uauitshiku

Uauitshitishu itiku

Takuannu tshekuannu eka

ui tshitutet

Apu ui nakatat utauassima

Uikanisha ui uauitshiku

Uauitshitishu itiku

Takuannu tshekuannu eka

ui tshitutet

Apu ui nakatat utauassima

E mamitunenitamani ne tshekuan

Animannitshe anite etat

Utanimun kushikuannu

Shash minuinniu

Nika tshi tuten

Nika tshi tshishtan

Nui minuinniun

Anutshish kashikat

Nika tshi tuten

Nika tshi tshishtan

Nui minuinniun

Anutshish kashikat

Nika tshi tuten

Nika tshi tshishtan

Nui minuinniun

Anutshish kashikat

Nika tshi tuten

Nika tshi tshishtan

Nui minuinniun

Anutshish kashikat

Apu tshika ut nita uni-tshissitutamat

Anite uetuteiat

Apu nita tshika uni-tshissiat

Anite uetshipaniat

At shuku nete ui ashtueuiati

Nika nanipaunan

Nishutshikapaunan

Mitshet tshekuan tshitututan

Tshetshi unishiniat

Mitshet tshekuan

Tshuapatinitan

Tshetshi unishiniat

Tekuaki tshekuan e akuikuiati

Iapit ninanipaunan

Nishutshikapaunan

Shash, eukuan

Tshe ishpish animuiat

Shash, eukuan

Tshe ishpish nekatshuiat

Anutshish, katshikat

Mamu pimutetau

Anutshish, eku

Ui shutshishitau,

Unikapautau, tepuetau

Tshinanu tshitinniunnu

« On chante pour que les choses changent

N’aient pas disparues

Vous avez seulement rejoint les anges

On vous compte par millions

On ne vous a pas oublié

Malgré vos voix silencieuses

Nos voix seront des piliers »

Ninikapaunan

Shash, eukuan

Tshe ishpish animuiat

Shash, eukuan

Tshe ishpish nekatshuiat

Anutshish, katshikat

Mamu pimutetau

Anutshish, eku

Ui shutshishitau,

Unikapautau, tepuetau

Tshinanu tshitinniunnu

Shash, eukuan

Tshe ishpish animuiat

Shash, eukuan

Tshe ishpish nekatshuiat

Anutshish, katshikat

Mamu pimutetau

Anutshish, eku

Ui shutshishitau,

Unikapautau, tepuetau

Tshinanu tshitinniunnu

Ui shutshishitau

Unikapautau

Ashinetau

Tshinanu innuat